काठमाडौँ । कांग्रेस पदाधिकारी बैठक सकिएको छ । पार्टी सभापति शेरबहादुर देउवाको निवास बुढानीलकण्ठमा बसेको बैठकले सरकार गठन गर्न राष्ट्रपतिले गरेकी आह्वानलाई संविधानको मर्म र भावनाविपरीत भएको निष्कर्ष निकालेको छ ।

बैठकमा सहभागी भएका एक पदाधिकारीका अनुसार बैठकले राष्ट्रपतिको कदम गलत भएको निष्कर्ष निकालेको जानकारी दिए । बिहीबार राष्ट्रपति विद्यादेवी भण्डारीले नयाँ सरकार गठनका लागि आह्वान गरेकी थिइन् ।

सभापति देउवाले पूर्वपदाधिकारी, पदाधिकारीसहितको बैठक बोलाएका थिए । नेपालको संविधानको धारा ७६ को उपधारा (३)को प्रधानमन्त्रीले विश्वासको मतबाट अस्वीकृत हुने वा राजीनामा दिएको दुवै अवस्था नहुँदै धारा ७६ को उपधारा (५)को सरकार गठनका लागि प्रधानमन्त्रीले सिफारिस गर्नु र राष्ट्रपतिले आह्वान गर्नु दुवै असंवैधानिक भएको कांग्रेसले विज्ञप्ति जारी गरेर जनाइसकेको छ ।

काग्रेसले सवै विकल्पमा छलफल गर्ने खुल्ला रहेको काग्रेस नेता वालकृष्ण खाँणले बताएका छन् । राष्टपतिले असम्वैधानिक कदम निरन्तर चालिरहेकोले महाअभियोग लगाउने विकल्पमा पनि काग्रेस बैठकमा छलफल भएको छ ।

यो विषयमा अन्य दलहरुसँग पनि छलफल गर्ने काग्रेसको भनाइ छ । काग्रेसले माओवादी, जसपा र जनमोर्चासँग पनि छलफल गर्ने गरी सर्वदलीय छलफल आयोजना गरेको छ ।