काठमाडौँ । नेपालको बढ्दै गरेको कोरोना भाइरस (कोभिड–१९)को रोकथामका लागि अमेरिकी जनताले स्वास्थ्य सामाग्री पठाएका छन् । उनीहरूले पठाएका आपत कालीन स्वास्थ्य सामग्री नेपालमा आइपुगेको छ ।

अमेरिकी जनता र युएसएआइडीको सहकार्यमा नेपाललाई उपलब्ध गराइएको आपतकालीन स्वास्थ्य सामाग्रीको पहिलो उडान आज काठमाडौं आइपुगेको हो । नेपालमा बढ्दो कोरोना संक्रमणलाई मध्यनजर गर्दै स्वास्थ्य सामाग्री पठाएको नेपालका लागि अमेरिकी दूतावासले जनाएको छ ।

सहयोगमा नेपालले सय युनिटको भेन्टिलेटर, कोभिड टेस्ट्युब, पिपिई सेटलगायतका अत्यावश्यक स्वास्थ्य सामग्री रहेको परराष्ट्र मन्त्रालयले जनाएको छ ।