काठमाडौँ । नेपाल राष्ट्र बैंकले सेयर बजारको स्वस्थ विकासलाई बढावा दिने उद्देश्यले नीतिगत कडाई गरेपछि बैक वित्त संस्थाले अल्पकालिन सेयरमा लगानी गर्न नपाउने, लघुवित्तको सेयर किन्न रोक लगाएको छ । राष्ट्र बैंकको कदमपछि घटेको बजारमा उच्च कारोबार, प्रतिमिनेट ७ करोड रुपैयाँका दरले किनबेच भएको छ ।

राष्ट्र बैंकले भर्खरै जारी गरेको नयाँ निर्देशिकाले सेयर बजारमा हलचल ल्याएका लगानीकर्ताको भनाई छ । सूचना आएपछिको आज बिहिबार पहिलो कारोबार भएको र आजैदेखि शेयर कारोबारमा रातो भएको स्टक एक्सचेञ्जले जनाएको छ । अस्ति मंगलबार बेलुका निर्देशन जारी भएपनि हिजो बुधबार विदा परेका कारण आज बिहीबार मात्रै सेयर बजार खुलेको हो । बजारमा कारोबार रकममा भने अस्वभाविक वृद्धि भएको थियो खरिदबिक्रि शुरु हुँदा ।

प्रि–ओपन सेसनमा नै ३२ अंकले घटेको बजार सामान्य सेसनमा आएपछि थप ओरालो लाग्दै ५ मिनेटभित्रै ५० अंक भन्दा धेरै घटेको थियो । त्यसपछि केही सम्हालिदै फराकिलो अन्तर कम भए पनि बजार हरियो भने हुन सकेन । लगानीकर्ताको मनोविज्ञान कमजोर हुँदा बिहीबारको बजार सुरुदेखि नै राताम्मे भएको हो । लघुवित्त समूहका करिब सबै जसो कम्पनीको सेयर मूल्यमा गिरावट आएको हो । शेयर कारोबार मापक नेप्से परिसुचक कारोबार हुने साताको अन्तिम दिन १ दशमलब २ अंकले घटेर २ हजार ८ सय १५ दशमलब ३९ बिन्दुमा पुगको छ ।

यो अघिल्लो दिनको तुलनामा शुन्य दशमलब ४ प्रतिशतले कमी हो । कूल २ सय १ सय १५ कम्पनीको १ लाख ४७ हजार ४ सय ९३ कारोबारबाट १४ अर्ब ७६ करोड ८ लाख ८ हजार ४ सय ९२ रुपैयाँ बराबरका ४ करोड १८ लाख १३ हजार ९ सय ८४ कित्ता शेयर किनबेच भएको स्टक एक्सचेञ्जले जनाएको छ ।