काठमाडौं । प्रतिनिधिसभा विघटनको मुद्दा सुनुवाइका लागि गठित संवैधानिक इजलासमा न्यायधीश बमकुमार श्रेष्ठलाई राखिएकोमा विपक्षीका तर्फबाट बहसमा सहभागी कानुन व्यवसायीले आज पनि प्रश्न उठाएका छन् । शुक्रबार नै उनको सहभागितामा प्रश्न उठाएका वरिष्ठ अधिवक्ता गोविन्द बन्दीले आज पनि संवैधानिक इजालसको शुरुमै प्रश्न उठाएका हुन् ।

नेकपाको एकता बदर गर्ने निर्णय गरेर राजनीतिक निर्णय गरेको र उनको निर्णयमा असन्तुष्ट पक्ष नै अहिले मुद्दामा रहेको भन्दै बन्दीले उनले अदालतको संवैधानिक इजालस छोड्दा अदालतको मान बढ्ने बताएका थिए ।

शुक्रबारदेखि नै निरन्तर यही मुद्दामा केन्द्रीत भएका बन्दीले प्रश्न उठाएपछि शुक्रबार नै यो विषय विवादमा परेर मुद्दा ‘हेर्दाहेर्दै’मा थियो । आज पनि शुरुमै बन्दील फेरि त्यही विषयलाई इजालसमा प्रवेश गराएका थिए । त्यसपछि प्रधानन्यायाधीश चोलेन्द्रशमशेर जबराले लिखितमा आफ्ना धारणा दिन आग्रह गरेका थिए ।

तर विपक्षीका तर्फबाट बहसमा सहभागी हुन पुगेका कानुन व्यवसायी नमानेपछि बहसका लागि समय दिइएको छ । बन्दीले पहिला पनि कुरा उठाएको र आज पनि सोही कुरा रहेको बताएका थिए । त्यसपछि प्रधानन्यायाधीश श्रेष्ठले कति जनाले उक्त विषयमा बहस गर्ने भनेर सोधेका थिए । जवाफमा बन्दीले ५ जना कानुन व्यवसायीले १ घण्टाभित्र बहस सक्ने बताएका थिए । त्यसपछि अहिले न्यायधीश बमकुमार श्रेष्ठ संवैधानिक इजालसमा रहने, नरहनेमा बहस शुरु भएको छ ।