काठमाडौँ । प्रतिनिधिसभा विघटनविरुद्ध दायर भएको रिटमाथिको सुनुवाई ‘हेर्दाहेर्दैमा’ राखिएको छ । गत शुक्रबार पनि सोही रिटमाथिको सुनुवाई ‘हेर्दाहेर्दै’मा राखिएको थियो ।

आइतबार प्रधानन्यायाधीश चोलेन्द्र शमशेर जबरा नेतृत्वको संवैधानिक इजलासले सुनुवाइलाई हेर्दाहेर्दैमा राखेको हो ।

बहस संवैधानिक इजलास गठनसम्बन्धि विवादमा केन्द्रीत भएको थियो । इजलासमा उक्त विषयमाथि बहसका लागि प्रधानन्यायाधीशले समय निर्धारण गरिदिएपछि पक्ष र विपक्षका कानुन व्यवसायीले आ–आफ्नो तर्क र दलिल प्रस्तुत गरेका थिए ।

संवैधानिक इजलास गठनका सम्बन्धमा उठेको विवादबारे भने इजलासले फैसला गर्न बाँकी नै रहेको छ । संवैधानिक इजलासमा गत शुक्रबारदेखि प्रतिनिधिसभा विघटनसम्बन्धि मुद्दामा सुनुवाई सुरु भएको हो ।