काठमाडौँ । नेकपा एमाले माधवकुमार नेपाल समूहका नेता योगेश भट्टराई प्रधानमन्त्री तथा पार्टी अध्यक्ष केपी शर्मा ओली समूहतिर लच्किएका छन् । शनिबार अर्थमन्त्री विष्णु पौडेलद्वारा सार्वजनिक बजेट जनमुखी रहेको प्रतिकृया दिएसँगै उनी ओलीप्रति लचिलो बनेका हुन् ।

‘अर्थमन्त्री माननीय विष्णु पौडेलले हिजो सार्वजनिक गर्नु भएको आब २०७८–७९ को बजेट मूलतः जनमुखी छ, हरेक बजेटका चुनौती जस्तै यो बजेटका पनि कार्यन्वयन, पुँजीगत खर्च कम हुने, राजनीतिक र प्रशासनिक नेत्रित्वमा इच्छा शक्तिको कमी, राजश्वको लक्ष नभेटाउने, राष्ट्रिय उत्पादनमा प्रगति नहुने लगायतका चुनौती भने यो बजेटका सामु पनि विद्यामान छन,’ सामाजिक सञ्जाल फेसबुकमार्फत नेता भट्टराईले
भने ।

पछिल्लो समय कहिले नेपाल समूह त कहिले ओली समूहको पक्षमा बोल्दै आएका नेता भट्टराईले ओली समूहका नेता तथा अर्थमन्त्री पौडेलले ल्याएको बजेटलाई सकारात्मक प्रतिकृया दिएका हुन् ।