काठमाडौँ । गत जेठ ८ गते भएको प्रतिनिधिसभा विघटनविरुद्ध परेको रिटको संवैधानिक इजलासको सुनुवाई आगामी मंगलबार हुने भएको छ ।

आइतबार न्यायाधीश तेजबहादुर केसी र बमकुमार श्रेष्ठलाई बेञ्चमा राख्न नहुने भन्दै कानुन व्यवसायीले दबाब दिएका थिए ।

जेठ १८ मा सुनुवाई हुने गरी मुद्दा ‘हेर्दाहेर्दै’मा रखिएको सर्वोच्च अदालतले जनाएको छ ।

संवैधानिक इजलास गठनका सम्बन्धमा उठेको विवादबारे भने इजलासले फैसला गर्न बाँकी नै रहेको छ । संवैधानिक इजलासमा गत शुक्रबारदेखि प्रतिनिधिसभा विघटनसम्बन्धि मुद्दामा सुनुवाई सुरु भएको हो ।