काठमाडौँ । लुम्बिनी प्रदेशमा भएको राष्ट्रिय सभा सदस्यको उपनिर्वाचनमा २ सय ९७ जनाले मत हालेका छन् । ३ सय मतदातामध्ये तीन जना अनुपस्थित भएका हुन् ।

नेपालगञ्ज उपमहानगरपालिकाका मेयर धवलशमशेर राणा मतदानमा सहभागी भएनन् । उनले सार्वजनिक रूपमा निर्वाचन बहिष्कार गरेका थिए । यस्तै, नरैनापुर गाउँपालिका बाँकेका अध्यक्ष मोहम्मद इस्तियाक साह बिरामी भएर उपचार गर्न लखनउ गएका छन् भने गुल्मीको दरबार गाउँपालिका अध्यक्ष अशोक थापा बिरामी भएर काठमाडौंमा उपचार गरिरहेका छन् ।

सोमबार सम्पन्न भएको उप निर्वाचनमा प्रदेश सभाका ८३ जनाले मत खसालेका छन् । मतदानको समय सकिएसँगै मुचुल्का उठाएर मतगणना सुरू हुनेछ । मतपरिणाम आजै आउनेछ ।

लुम्बिनीमा नेकपा एमालेको केपी शर्मा ओली समूह र विपक्षी गठबन्धन गरी दुई जना उम्मेदवार छन् ।