काठमाडौं । परराष्ट्रमन्त्री प्रदिप कुमार ज्ञवालीले संयुक्त अरब इमिरेट्स (युएई)का परराष्ट्र तथा अन्तराष्ट्रिय राज्यमन्त्री अहमद अलि अल सायहसँग कोरोनाका बेला सहयोग बारे छलफल गरेका छन् ।

आज भएको भिज्योल बैठकमा नेपाल र युएईबीचको सहयोगका साथै विभिन्न पक्षबारे छलफल भएको परराष्ट्र मन्त्रालयले जनाएको छ ।

छलफलका क्रममा परराष्ट्रमन्त्री ज्ञवालीले कोरोना महामारीको बेला चिकित्सा सामाग्रीमा युएईले गरेको सहयोगको प्रंशसा गर्दै त्यहाँ रहेका नेपालीमा पनि सहयोग हुनेमा दुईमत नरहेको बताए ।

भेटमा युएईका मन्त्री सायहले कोरोनाको बेला नेपाललाई गर्ने सहयोगको निरन्तता हुने जनाउँदै त्यहाँ रहेका नेपालीलाई पनि कुनै समस्या नहुने आश्वासन दिए ।

उनले नेपाल सरकारको अनुरोधलाई स्थान दिँदै आगामी दिनमा पनि भेन्टिलेटर सहितको चिकित्सा उपकरणलाई बढावा दिने प्रतिबद्धता जनाए ।