काठमाडौँ । नेकपा एमालेले पार्टी एकताको पहल गर्न थप छलफल गर्ने भएपछि नेता माधव नेपाल पक्षका नेतालाई तत्काल कारबाही नगर्ने भएको छ । आज बसेको एमाले स्थायी कमिटीको बैठकले छलफल चलिरहेकाले तत्काल कारबाही नगर्ने भएको पार्टी प्रवक्ता प्रदीप कुमार ज्ञवालीले जानकारी गराए ।

उनले पार्टी एकताको पहल गर्न गठित कार्यदल पुनर्गठन नभएसम्म अन्य संयन्त्रबाट पार्टी एकताको लागि छलफल गर्ने बताए । बैठकपछि पत्रकारसँग कुरा गर्दै एमाले ज्ञवालीले पार्टी एकताको पहल भइरहेको बताए ।

वार्ता टोलीमा रहेका कतिपय नेता कारबाहीमा परेकाले अर्को निर्णय नभएसम्म अन्य संयन्त्रबाट पार्टी एकताको पहल हुने ज्ञवालीले बताए । वार्ता टोलीमा रहेका नेपाल पक्षका संयोजक भीम रावल पार्टीको साधारण सदस्यबाटै निष्कासित भइसकेका छन् ।