काठमाडौं । पछिल्लो समयमा कोरोना संक्रमण तीव्र रुपमा फैलिएसँग होम आइसोलेसनमा बस्नेको संख्या पनि बढेको छ । तर होम आइसोलेसनमा बसेका कोरोना संक्रमितले रोग प्रतिरोधात्मक क्षमता बढाउन जथाभावी औषधि सेवन गरेको देखिन्छ तर चिकित्सकले त्यसरी आफुखुसी औषधि सेवन गर्न नहुने बताउँछन् ।

ज्वरो देखिए, जीउ तथा टाउको दुखेमा प्यारासिटामोल खान संक्रामक रोग विशेषज्ञ डा जनक कोइरालाको सुझाव छ । उनले भने, ‘पारासिटामोलबाहेक कोरोना संक्रमितले अरु धेरै भिटामिन, एन्टिबायोटिक खान हुदैन ।’ चिकित्सकको सल्लाहबिना ‘स्टेरोयड’ जस्ता कडा औषधि कुनै पनि हालतमा सेवन गर्न नहुने उनले बताए ।

डा कोइरालाले भने, ‘स्टेरोयडको फाइदाभन्दा धेरै नै बेफाइदा छ ।’

खोकी लागेकाले खोकीकै औषधि लिनु पर्छ । तातोपानीको बाफ लियो भने पनि खोकी कम हुन उनको भनाइ छ । श्वासप्रश्वासमा गाह्रो भएमा वा अक्सिजनको कमी देखिएमा तुरुन्त अस्पताल जान उनले सुझाव दिए ।