काठमाडौँ । कोरोना भाइरस (कोभिड–१९) संक्रमणबाट जनता समाजवादी पार्टी (जसपा)का नेता रामप्रकाश चौधरीको निधन भएको छ ।

विजयनगर गाउँपालिका ७ निवासी ४५ वर्षे चौधरीको गए राति भारतको लखनउस्थित सहारा अस्पतालमा उपचारका क्रममा निधन भएका हुन् । उनी तत्कालीन राष्ट्रिय जनता पार्टीका केन्द्रीय सदस्य थिए ।

एक महिनाअघि कोरोना संक्रमित भई कपिलवस्तु जिल्ला अस्पतालमा उनको उपचार भइरहेको थियो । पिसिआर रिपोर्ट नेगेटिभ आए पनि उनको स्वास्थ्यमा सुधार आउन सकेको थिएन् ।

भारतको अस्पतालमा कोरोना परीक्षण गर्दा पुनः पोजिटिभ देखिएको थियो ।