काठमाडौँ । जनता समाजवादी पार्टी (जसपा)का अध्यक्ष महन्थ ठाकुर पक्ष आज सरकारमा सहभागी हुने भएका छन् । जसपा सरकारमा सहभागी हुने भएसँगै प्रधानमन्त्री केपी शर्मा ओलीले मन्त्रिपरिषदमा केही हेरफेर तथा विस्तार गर्ने भएका छन् ।

यसअघि प्रधानमन्त्री ओली र ठाकुर पक्षबीच छलफल हुँदा जसपालाई ८ मन्त्री र २ राज्यमन्त्री दिने सहमति भएको थियो । स्रोतका अनुसार आज साँझ थपिएका नयाँ मन्त्रीहरूको सपथ ग्रहण हुन सक्ने छ ।

संसदीय दलका नेता राजेन्द्र महतोको नेतृत्वमा जसपा सरकारमा सहभागी हुन लागेको हो । यसअघि बिहीबार राति प्रधानमन्त्री र ठाकुरीबीच छलफल भएको थियो ।

ठाकुरलाई संसदीय दलमा बहुमतमा पुगे पनि कार्यकारिणी समितिमा बहुमत नहुँदा केही समस्या उत्पन्न हुने भएको छ ।