काठमाडौँ । नेकपा माओवादी केन्द्र छाडेर एमालेमा लागेका पूर्व माओवादी खेमका नेताहरूलाई मन्त्री बनाउने बारेमा छलफल चलिरहेको छ । पूर्व माओवादी खेमाका एक नेताका अनुसार मन्त्रालयमा कसलाई लैजाने भन्ने विषयमा बालुवाटारमा छलफल भइरहेको छ ।

प्रधानमन्त्री केपी शर्मा ओलीले पूर्व माओवादीले सम्हाल्दै आएका केही मन्त्रालयमा जसपाका नेतालाई जिम्मेवारी दिएका छैनन् । ती नेताले पूर्व माओवादीका नेताहरूलाई मन्त्री बनाउने जनाइएको छ ।

नयाँ सहमतिसँगै तीन मन्त्री मन्त्रालयविहीन भएका छन् । तर, रक्षा, गृह र उद्योग वाणिज्य तथा आपूर्ति मन्त्रालय प्रधानमन्त्रीसँग छ । यी मन्त्रालयमा पूर्व माओवादी खेमाका नेताहरूलाई दिने बारे छलफल भइरहेको स्रोतले जनाएको छ ।