एजेन्सी । पाकिस्तानले वेस्ट इन्डिज र इंग्ल्यान्ड भ्रमणका लागि राष्ट्रिय टिमको घोषणा गरेको छ ।

पाकिस्तान क्रिकेट बोर्डले शुक्रबार बाबर आजमको कप्तानीमा टी(ट्वान्टी, एकदिवसीय र टेस्ट खेल्ने घोषणा गरेको हो ।

पाकिस्तानले इंग्ल्यान्डसँग टी–ट्वान्टी र एकदिवसीय सिरिज खेल्नेछ । पाकिस्तान र इंग्ल्यान्डबीच ३ खेलको टी–ट्वान्टी र ३ खेलको एकदिवसीय सिरिज हुनेछ । सिरिज जुलाई ८ देखि २० सम्म हुने तालिका रहेको छ ।

यस्तै पाकिस्तानले वेस्ट इन्डिजसँग ५ टी–ट्वान्टी र २ खेलको टेस्ट सिरिज खेल्नेछ । वेस्ट इन्डिज र पाकिस्तानबीचको सिरिज जुलाई २७ देखि अगस्ट २४ सम्म चल्नेछ ।