काठमाडौं । जनता समाजवादी पार्टी (जसपा)का संघीय परिषद् अध्यक्ष डा बाबुराम भट्टराईले राजेन्द्र महतोको नेतृत्वमा जसपाकै केही व्यक्ति ओली सरकारमा सहभागी भएपछि कटाक्ष गरेका छन् । उनले ट्वीटरमार्फत संविधान जारी पछि भारतीय नाकाबन्दीको विरोध गर्ने र समर्थन गर्नेबीचको सालनाल कहाँ जोडिएको छ भनी प्रश्न गरेका छन् ।

संविधान जारी हुँदा दीपावली गर्ने र ‘ब्ल्याक आउट’ गर्नेको घाँटी कसरी जोडियो भनी व्यंग्य गरेका छन् । नेपालमा संविधानसभाबाट संविधान जारी हुँदा तत्कालीन नेकपा (एमाले) ले समर्थन गरेको थियो भने मधेशवादी दलले चर्को विरोध गरेका थिए । उनीहरुले संविधान जारी भएको दिनलाई ‘कालो दिन’को संज्ञा दिँदै विरोध गरेका थिए ।

डा भट्टराईले भनेका छन्, ‘अन्धराष्ट्रवादको नारा दिएर पहाडी मतदाता ठग्ने र क्षेत्रीययतावादको कुरा गरेर मधेसी मतदाता ठग्ने कसरी एकै ठाम ?