काठमाडाैं । नवनियुक्त उपप्रधान तथा शहरी विकासमन्त्री राजेन्द्र महताेले आफूहरूकाे माग पूरा नभएकाले सरकारमा बसेरै आन्दाेलन गर्ने बताएका छन् । शुक्रबार पद तथा गाेपनियताकाे शपथ लिएपछि सिंहदरबारस्थित मन्त्रालयमा पदवहाली गर्दै उनले मधेसी जनताकाे माग पूरा गराउन सरकारमा गएकाे बताए ।

‘अधिकार, पहिचान सुशासन र समृद्धिको सवाल पार्टीको एजेण्डा अगाडि बढाउने, बहुल राष्ट्रिय राज्यको स्थापनाको लागि राष्ट्रिय मुक्ति आन्दोलनको तयारी गर्ने यी काम पार्टीको एजेण्डा हो, पार्टीको एजेण्डा अगाडि बढाउदै जाने र विगतको आन्दोलनको माग मुद्दा सम्वोधनका लागि हामी सरकारमा सहभागी भएका हाैं’ महतोले भने ।