काठमाडौं । जिल्ला प्रहरी कार्यालय गुल्मीले जंगलमा लगेर गाई काटेको अभियोगमा २ जना पक्राउ गरेको छ ।

प्रहरीले गुल्मीको मालिका गाउँपालिका(१ लिलिङ्गका २४ वर्षीय रमेश श्रीस र २२ वर्षीय बिमल घर्तीलाई शुक्रबार प्रहरीले पक्राउ गरेको हो ।

प्रहरीका अनुसार स्थानीय हिरा पुनले २२ दिन अघि पाल्नको लागि किनको गाईलाई दुईजनाले जंगलमा लगेर काटी खाएका हुन् ।

गाईको मासु काटेर घरमा लगेको र टाउको, छाला गाडेर छाडेको अवस्थामा फेला पारेको जिल्ला प्रहरी कार्यालय गुल्मीका डिएसपी पुरुषोत्तम प्रसाद पाण्डेले बताए । घटनामा संलग्न थप मानिसहरुको खोजी भइरहेको जिल्ला प्रहरी कार्यलय गुल्मीले जनाएको छ ।