इरानले युद्ध अन्त्यका लागि अमेरिकाले राखेको प्रस्तावमा आफ्नो प्रतिक्रिया दिँदै अस्थायी युद्धविरामलाई अस्वीकार गरेको छ।

इरानी न्यूज एजेन्सी इर्नाका अनुसार इरानले अस्थायी युद्धविरामको साटो युद्धको ‘स्थायी अन्त्य’ हुनुपर्ने र यसमा इरानका सरोकारहरूलाई सम्मान गरिनुपर्ने कुरामा जोड दिएको छ । इरानले आफ्नो प्रस्तावमा पूरै क्षेत्रमा चलिरहेका द्वन्द्वहरू समाप्त हुनुपर्ने माग राखेको छ।

इरानले हर्मुज जलमार्गबाट व्यावसायिक जहाजहरूको सुरक्षित आवागमनका लागि एक निश्चित नियम बनाउनुपर्ने प्रस्ताव गरेको छ। इरानले युद्धबाट भएको क्षतिको पुनर्निर्माण र आफूमाथि लगाइएका प्रतिबन्धहरू पूर्ण रूपमा हटाउनुपर्ने माग पनि राखेको छ।

युद्धका बीच अमेरिकी राष्ट्रपति डोनल्ड ट्रम्पले इरानलाई मङ्गलबारसम्म हर्मुज जलमार्ग पूर्ण रूपमा खोल्न चेतावनी दिँदै अन्यथा ‘नर्क देखाइदिने’ धम्की दिएका छन् । आज अमेरिकाले ४५ दिनको युद्धविरामको प्रस्ताव राखेको थियो तर इरानले अस्विकार गरेको छ ।

इरान र अमेरिकाबीच ४५ दिने युद्धविरामको लागि अन्तिम प्रयास