काठमाडौं । स्वास्थ्य तथा जनसंख्या मन्त्रालयले फ्रन्टलाइनमा खटिएका स्वास्थ्यकर्मीको विवरण एक हप्ता भित्र पठाउन सम्बन्धित निकायलाई निर्देशन दिएको छ। मन्त्रालयले सबै सरकरी अस्पताल, प्रदेश स्वास्थ्य तथा जनसंख्या मन्त्रालय, सामाजिक विकास मन्त्रालय र स्थानीय तहलाई विवरण पठाउन निर्देशन दिएको हो ।

सरकारी आइसोलेसन सेन्टर, प्रयोगशाला तथा अस्पतालमा कार्यरत स्वास्थ्यकर्मीको विवरण पठाउन निर्देशन दिएको नीति, योजना तथा अनुगमन महाशाखाका प्रमुख डा.गुणराज लोहनीले जानकारी दिए । स्वास्थ्यकर्मीलाई जोखिम भत्ता कोरोना महामारी रहेसम्म दिने सरकारले घोषणा समेत गरेको छ।