काठमाडौँ । संवैधानिक इजलासमा प्रतिनिधिसभा विघटनलगायत मुद्दाबारे सवाल जवाफ भइरहेको छ । प्रधानमन्त्री केपी शर्मा ओली पक्षका वकिलहरूले संवैधानिक इजलासमा रहेका न्यायाधीशहरू दीपककुमार कार्की र आनन्दमोहन भट्टराईमाथि प्रश्न उठाएका छन् ।

उनीहरूले यसअघि नै अहिलेका मुद्दामा राय दिइसकेकाले इजलासमा बस्न नमिल्ने भन्दै प्रश्न उठाएका हुन् । यसप्रति जवाफ दिँदै प्रधानन्यायाधीश चोलेन्द्र शमशेर राणाले सबै न्यायाधीशले मुद्दा हेर्न नमिल्न भन्नु कसुरजन्य कुरा भएको बताएका थिए ।

खाजापछिको बसहमा समेत सरकारी वकिलले कुरा गर्न उठेपछि न्यायाधीश ईश्वर खतिवडाले रिट निवेदकका पक्षको वकिलको कुरा सुन्ने भन्दै उनीहरूलाई बस्न लगाएका थिए । ‘जे भइरहेको छ, हामीलाई कम्फरटेबल भइरहेको छैन, तपाईंहरूको कुरा धेरै भयो, अब निवेदक पक्षको कुरा सुनौँ,’ उनले भने ।

न्यायाधीश खतिवडाले सरकार पक्षका वकिललाई बस्न भनेपछि रिट निवेदकका पक्षबाट वरिष्ठ अधिवक्ता बद्री बहादुर कार्कीले बहस गरिरहेका छन् ।