काठमाडौँ । सरकारले सातै प्रदेशमा बालबालिकाको उपचार गर्न छुट्टै स्थानमा अस्पताल र आइसीयूसहितको अस्पताल निर्माण गर्ने भएको छ । कोरोना महामारीको तेस्रो लहरले बालबालिकालाई बढी मात्रामा असर गर्ने भन्दै सरकारले सबै प्रदेशमा बालबालिका विशेष अस्पताल निर्माण गर्ने भएको हो ।

सोमबार स्वास्थ्य तथा जनसंख्या मन्त्रालयमा आयोजित भर्चुअल पत्रकार सम्मेलनमा नवनियुक्त स्वास्थ्य तथा जनसंख्या मन्त्री शेरबहादुर तामाङले उक्त जानकारी दिएका हुन् । उनले भने, ‘सबै प्रदेशमा अस्पताल स्थापना र आइसियू व्यवस्थापन गर्न तयारी गरेका छौँ ।’

कोरोनाको तेस्रो लहरमा बालबालिकाहरू बढी प्रभावित देखिने विज्ञहरू बताउँदै आएका छन् ।