काठमाडौँ । आजदेखि काठमाडौँ उपत्यकासहित देशका विभिन्न जिल्लामा ६० देखि ६४ वर्ष उमेर समूहका नागरिकलाई कोरोना भाइरस (कोभिड–१९)विरुद्ध चिनियाँ खोप भेरोसेलको पहिलो डोज लगाउन सुरु भएको छ । बिहान १० बजेदेखि खोप लगाउन सुरु भएको हो ।

मंगलबार पहिलो दिन ६४ वर्ष उमेरका नागरिकलाई मात्र खोप लगाउने कार्यक्रम सम्पन्न भएको छ । जेठ २६ गते ६३ वर्ष, जेठ २७ गते ६२ वर्ष, जेठ २८ गते ६१ र जेठ २९ गते ६० वर्ष उमेर समूहका व्यक्तिलाई खोप लगाउन तालिका रहेको छ ।