काठमाडौँ । गण्डकी प्रदेश निवर्तमान युवा तथा खेलकुद मन्त्री दीपक मनाङेलाई भेट्न जाँदा पक्राउ परेका नेपाली कांग्रेसका नेता गणेश लामा जरिवाना तिरेर छुटेका छन् । उनी पोखरा लेकसाइडबाट बिहीबार पक्राउ परेका थिए ।

प्रहरीले लामासहित ३ जनालाई ३–३ हजार रुपैयाँ जरिवाना तिराएर छाडिएको जिल्ला प्रहरी कार्यालय कास्कीले जनाएको छ । सरकारका मन्त्री भएर पनि विपक्षी गठबन्धनमा देखिएका मनाङेलाई भेट्न पुगेका लामा निषेधाज्ञा उल्लंघन गरेको आरोपमा प्रक्राउ परेका थिए ।

जिल्ला प्रशासन कार्यालय कास्कीले लामालाई जरिवाना लिएर छाड्न प्रहरीलाई अनुमति दिएको हो । मुख्यमन्त्री पृथ्वीसुब्बा गुरुङले विश्वासको मत लिइरहेका अवस्थामा लामा मनाङेसँग भेटमा थिए ।

लामा पक्राउ परेपछि नेपाली कांग्रेसले विरोध जनाएको थियो । उनी राजनीतिमा आउनुअघि गुण्डा गर्दी गरेको आरोप लाग्दै आएको थियो ।