दाङ । राप्ती स्वास्थ्य विज्ञान प्रतिष्ठानले असार १ गते (आज) देखि ओपिडी र आईसियू सेवा फेरि सञ्चालन ल्याउने भएको छ । कोभिड– १९ को महामारीका कारण प्रतिष्ठानले गत वैशाख १९ गतेदेखि ओपिडी र शल्यक्रिया जस्ता सेवाहरू बन्द गरेको थियो ।

पछिल्लो समय कोरोना संक्रमण दर घट्दै गएको तथा सर्वसाधारण बिरामीको सेवालाई मध्येनजर गर्दै ती सेवाहरू पुनस् सुरु गर्न लागिएको प्रतिष्ठान प्रशासनले जानकारी दिएको छ । प्रतिष्ठान प्रशासनले साधारण बिरामी अस्पताल आउँदा एक्लै आउन र अशक्त, जेष्ठ नागरिक तथा बालबालिकाको हकमा एकजना मात्रै सहयोगी आउन आग्रह पनि गरेको छ ।