खाना पकाउनु मस्तिष्कको लागि फाइदाजनक हुने देखाएकाे छ। हप्तामा एक पटक मात्र खाना पकाउँदा पनि डिमेन्सिया (बिर्सने रोग) को जोखिम कम हुने एक अध्ययनले देखाएको हाे । यो अध्ययन हालै BMJ जर्नल अफ एपिडेमियोलोजी एन्ड कम्युनिटी हेल्थमा प्रकाशित भएको छ।

अध्ययनमा टोकियो इन्स्टिच्युट अफ साइन्सका अनुसन्धानकर्ताहरूले ६५ वर्ष र सोभन्दा माथिका ११,००० मानिसहरूलाई छ वर्षसम्म पछ्याएका थिए। उनीहरूले घरमा कति पटक आफैं खाना पकाउँछन् भनेर हेरे। नतिजाले देखाएअनुसार धेरै पटक खाना पकाउनेहरूमा डिमेन्सियाको जोखिम कम थियो।

अनुसन्धानकर्ताहरूले पत्ता लगाएअनुसार खाना पकाउन धेरै जटिल कामहरू हुन्छन्, जसमा किराना सामान किनमेलदेखि रेसिपीहरू बनाउने र सही सामग्री र अनुपात छनौट गर्ने सम्म समावेश छ।

विशेष भ्रमण कार्यक्रमहरू पनि प्रभावकारी

जर्मनीको राजधानी बर्लिनमा रहेको बर्लिन चिडियाखानाले डिमेन्सियाबाट पीडित व्यक्तिहरूका लागि विशेष भ्रमण कार्यक्रमहरू प्रदान गर्दैछ। विज्ञहरूका अनुसार चिडियाखानाको आवाज, दृश्य र गन्धले बाल्यकालका सम्झनाहरू ताजा गर्छ, जसले बिरामीहरूलाई मानसिक राहत प्रदान गर्दछ। यी भ्रमणहरूले वृद्धहरूको स्मरणशक्तिलाई बलियो बनाउन पनि मद्दत गर्दछ।

-दैनिक भास्करबाट