काठमाडौं । पछिल्लो २४ घण्टामा थप २ हजार ८२८ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा. कृष्णप्रसाद पौडेलले थप जनामा कोरोना पुष्टि भएको जानकारी दिए । उनका अनुसार ८ हजार ६८७ जनाको पीसीआर परीक्षण गर्दा २ हजार १४ जनामा र ४ हजार ३३५ जनाको एन्टिजेन परीक्षण गर्दा ८१४ जनामा कोरोना पुष्टि भएको छ ।
सोही अवधिमा ३ हजार ८२ जना संक्रमणमुक्त भएका छन् भने ५२ जनाको संक्रमणका कारण ज्यान गुमाएका उनले जानकारी दिए ।