काठमाडौं । आज २०७८ साल आषाढ महिनाको ३ गते बिहीबार, ज्येष्ठ शुक्लसप्तमी तिथि । अब लागौं आजको राशिफलतर्फ

मेष
पेशागत जीवनमा सकारात्मकता देखिने छ । बोलीमा प्रियताको अभाव हुने भएकाले यस विषयमा ध्यान दिनु होला । पारीवारिक जीवनमा बादबिबाद र चुनौति देखिने छ । निर्माणका काम, ठेक्कापट्टा, श्रम क्षेत्र, उद्योग कलकारखाना, भाडाका सवारीसाधन, हेभि इक्विमेण्ट जस्ता क्षेत्रमा संलग्नहरुलाई लाभ मिल्ने छ ।

वृष
बोलीमा कटुता देखा पर्ने छ । रिस धेरै उठ्ने भएकाले संयमित रहनु होला । पेशागत जीवन औसत अवस्थामा रहने छ । नोकरी, सेवा क्षेत्र, रोजगारी, श्रम क्षेत्र, मजदुरी, छालाको व्यापार जस्ता क्षेत्रमा रहेकाहरुलाई फाइदा मिल्ने छ ।

मिथुन
व्यक्तितवमा दृढता देखा पर्ने छ । पेशागत जीवन ठिकै ठिकै रहेता पनि भाग्यको साथ नरहेकाले कार्य सफलता प्राप्त हुने छैन् । परिवारमा बिबाद देखा पर्ने छ । बोलीको प्रभावमा गिरावट आउने छ । होटल, रेष्टुरेण्ट, डान्सबार, बाउन्सर तथा सुरक्षा निकायमा सक्रियहरुलाई समय अनुकुल छैन् ।

कर्कट
कमजोर व्यक्तित्व हुने छ । शारीरिक शिथिलता र कमजोरीले सताउने छ । समय प्रतिकुल देखिएकाले धैर्यतापूर्वक पाइला चाल्नु होला । दाम्पत्य जीवनमा पनि कटुता देखिन जाने छ ।सेक्युरिटि, सुरक्षा निकाय, अग्नि रक्षक, खेल, होलट रेष्टुरेण्ट जस्ता क्षेत्रमा सक्रियहरुलाई समय प्रतिकुल छ ।

सिंह
नरमखाले व्यक्तित्व हुने छ । व्यक्तित्वमा ह्रास आउँदा निर्णय क्षमतामा कमि आउन जाने छ । शारीरिक समस्याहरु देखा पर्दा मनोवलमा पनि गिरावट आउने छ । छाति, रगत, उच्च रक्तचाप जस्ता विषयमा सतर्क रहनुहोला । शिक्षण, प्रध्यापक, शिक्षा क्षेत्र, स्टेसनरी, पुस्तक पसल जस्ता क्षेत्रमा संलग्नहरुलाई आम्दानीमा बृद्धि देखिने छ ।

कन्या
आम्दानीमा गिरावट आउने छ । लिइएका महत्वाकांक्षाहरु पुरा हुने छैनन्, अवरोधहरु बढ्ने छन् । साझेदारीमा गरिएका कामहरुका बिबाद पैदा हुन जाने छ । अध्ययन तथा अध्यापनमा भने प्रगति हुने छ । जोखिमले भरिएको र चुनौतिपूर्ण क्षेत्रमा रहेकाहरुलाई समय प्रतिकुल छ ।

तुला
पेशागत जीवनमा गम्भीरखाले समस्याहरु देखा पर्ने छ । पूर्वानुमान नगरिएका समस्याहरु पेशागत क्षेत्रमा देखा पर्दा व्यवस्थापन गर्न हम्मेहम्मे पर्ने छ । त्यसैले संयम भएर मात्र पाइला चाल्नु होला । बोलीको प्रभावमा भारी गिरावट आउने छ । शिक्षा क्षेत्र, शिक्षण, सेक्युरिटी गार्ड, सुरक्षा निकाय, ठोक्कापट्टा जस्ता क्षेत्रमा सक्रियहरुलाई समय प्रतिकुल छ ।

वृश्चिक
निराशा भाव बढ्न जाँदा मनमा उत्साहको कमि हुने छ । पेशागत जीवन औसत रहने छ । पानी, पेय पदार्थ, कोल्ड ड्रिङ्स, दुध, मदिरा, आयात निर्यात जस्तामा पेशामा आवद्धहरुलाई फाइदा मिल्ने समय छ । आफूले कमाएको धन सुरक्षित गर्ने विषयमा विशेष ध्यान दिनु होला ।

धनु
पारीावारिक जीवनमा द्वन्द चर्किने छ । बोलीमा रुखोपना बृद्धि हुँदा बन्न बन्न खोजेका कामहरुमा पनि अबरोध कायम रहने छ । शारीरिक रुपमा धेरै कमजोरी देखिँदा मनोबलमा पनि कमि आउने छ । रोग प्रतिरोधात्मक क्षमतामा गिरावट आउने छ । जलविद्युत, शिक्षा, परामर्श, होटल, रेष्टुरेण्ट आदि क्षेत्रमा आवद्धहरुलाई समय अनुकुल छैन् ।

मकर
व्यक्तित्वमा दृढता देखा पर्ने छ । त्यसैले कसैले हेप्न सक्ने छैनन् । तर मनमा भने निराशाले सताउने छ । साझेदारीमा गरिएका कामहरुमा बिबाद देखा पर्न जाँदा कामहरुमा अबरोध देखा पर्ने छ । डेरी, दुग्धजन्य व्यापार, पानी, मदिरा, कोल्ड ड्रिङ्स जस्ता क्षेत्रमा आवद्धहरुलाई समय प्रतिकुल छ ।

कुम्भ
प्रतिष्पर्धात्मक क्षमतामा गिरावट आउँदा अरुले पेल्ने छन् । प्रतिष्पर्धीहरुसँग प्रतिष्पर्धा सकिन छैन् । पेशागत जीवनमा अस्थिरता देखा पर्ने भएकाले सतर्क रहनु होला । बौद्धिक क्षेत्रमा भने प्रगति हुने छ । जीवनसाथिको सहयोगसहित कार्य अघि बढाएमा कार्य सफलतामा प्रगति हुने छ ।

मीन
पेशागत जीवनमा समस्या आउन जाने भएकाले सतर्क रहनु होला । आम्दानीमा भने औसत समय रहने छ । भाग्यको साथ नरहेकाले कार्यक्षेत्रमा एकपछि अर्काे अवरोधहरु निरन्तर आउने छन् । दुविधात्मक व्यक्तित्व बन्ने छ । धार्मिक वस्तुको कारोवार, चिनी, सख्खस, सजावटको व्यापार जस्ता क्षेत्रमा रहेकाहरुलाई समय प्रतिकुल छ ।