काठमाडौँ । स्टक एक्सचेञ्जमा आबद्ध कम्पनीको शेयर कारोबार मापक नेप्से परिसुचक कारोबार हुने साताको अन्तिम दिन आज बिहिबार १ दशमलब २९ अंकले घटेको छ ।

यो सानो भएपनि अघिल्लो दिनको तुलनामा शुन्य दशमलब ४ प्रतिशतले कमी आई २ हजार ९ सय ६८ दशमलब ४३ अंकमा पुगेको छ ।

नेप्सेसँगै कारोबार रकममा पनि उल्लेख्य कमी आएको छ । कूल २ सय २३ कम्पनीको १ लाख २४ हजार ५ सय ६१ कारोबारबाट १० अर्ब ९० करोड ४९ लाख ५८ हजार ९ सय ३५ रुपैयाँ बराबरका २० करोड ३६ लाख ५ हजार ६ सय १९ कित्ता शेयर किनबेच भएको स्टक एक्सचेञ्जले जनाएको छ ।

हिजो बुधबार साना लगानीकर्ताले आत्तिएर सेयर बेच्दा नेप्से घटे पनि बिहीबार लगानीकर्ता टिक्दा बजारबाट सुधार सम्भावना टरेको हो ।

नेपाल धितोपत्र बोर्डले ५१ कम्पनीमा गरिएको लगानी जोखिमपूर्ण भन्दै सूची निकाले पछि बुधबार लगानीकर्ताहरु प्यानिक सेलमा उत्रिएका थिए । त्यसैको असर बुधबारको सेयर बजारमा परेको थियो ।