काठमाडौँ । गण्डकी प्रदेशका मुख्यमन्त्री कृष्णचन्द्र नेपाली पोखरेलले विश्वासको मत लिन बसेको प्रदेशसभा बैठकमा बोल्दै नेकपा एमालेका सांसदहरूले विश्वासको मत नदिने बताएका छन् ।

यस्तै, सरकारका मन्त्री दीपक मनाङेले प्रधानमन्त्री केपी शर्मा ओलीसहित विभिन्न व्यक्तिहरूलाई लक्षित गरी दिएको अभिव्यक्तिप्रति प्रतिपक्षी दल नेकपा एमालेले सरकारसँग जवाफ मागेको छ ।

मन्त्री मनाङेले केही दिनअगाडि प्रधानमन्त्रीको मृगौला नै नभएको भन्दै टिप्पणी गरेका थिए । उनको सो अभिव्यक्तिप्रति एमालेले आपत्ति जनाउँदै सरकारसँग जवाफ मागेको हो । शुक्रबारको प्रदेशसभा बैठकमा एमालेका सचेतक मायानाथ अधिकारीसहितका सांसदहरूले मन्त्री गुरूङको अभिव्यक्तिप्रति विरोध जनाएका हुन् ।