काठमाडौँ । नेदरल्याण्डकी राज सिंहासनकी उत्तराधिकारी तथा प्रिन्सेस (राजकुमारी) ऐमालियाले आफूलाई सरकारले दिँदै आएको भत्ता नलिने घोषणा गरेकी छन् । उनले वार्षिक झण्डै २४ करोड रुपैयाँ भत्ता पाउँदै आएकी थिइन् ।

समाचारमा जनाइएअनुसार राजकुमारी ऐमालिया आगामी ७ डिसेम्बर २०२१ मा १८ वर्ष पूरा हुँदै छिन् । १८ वर्ष पूरा भएसँगै उनले कानुनी रुपमा राजकीय भत्ता पाउने छिन् ।

‘मैले कानुनी रुपमा राजकीय भत्ता पाउने छु, जब मैले केही काम नगरेपछि भत्ता कसरी लिन सक्छु,’ राजकुमारी ऐमालियाले भनेकी छन्,’ । उनले राजकीय भत्ता नलिनेबारे प्रधानमन्त्री मार्क रूटले एक विज्ञप्ति जारी गरी जानकारी गराएका थिए ।

पत्रमा भनिएको छ, ‘कोरोना भाइरसका कारण देश कठिन समय आएको छ, त्यसैले उहाँले आफ्नो विरासतका लागि राजकीय भत्ताको अधिकार त्याग गर्नु भएको छ ।’

ऐमालिया नेदरल्याण्डका राजा एलेक्जेण्डरकी छोरी हुन् । हालै मात्र उनले आफ्नो हाइस्कूलको पढाई पूरा गरेकी छन् । नेदरल्याण्डका सरकारी समाचार संस्थाका अनुसार विभिन्न शीर्षकमा उक्त रकम प्राप्त गर्ने थिइन् । एजेन्सी