काठमाडौं । सेयर कारोबार मापक नेप्से परिसूचक लगातार दुई दिन उच्च अंकले गिरावट आएको छ । नेप्से यो साताको पहिलो र दोस्रो दिन उच्च अंकले गिरावट भएको छ । आज ७१ दशमलव ०६ अंकले घटेर २ हजार ८ सय ३४ दशमलव ४० अंकमा झरेको छ ।

‘क’ वर्गको कारोबार मापन गर्ने सेन्सेटिभ इन्डेक्स ८ दशमलव ३७ अंकले घटेर ५२० दशमलव १८ अंकमा झरेको छ । कारोबार रकम भने करिब १२ अर्ब पुगेको छ । १ लाख ३० हजार ३९७ कारोबारबाट २२७ कम्पनीको २ करोड ३० लाख ११ हजार ८२० कित्ता सेयर किनबेच भएका छन् ।

जसबाट कारोबार रकम ११ अर्ब ८४ करोड ५४ लाख ५४ हजार ६ सय ४ रुपैयाँ पुगेको छ । धेरै गुमाउनेमा फाइनान्स कम्पनी र दोस्रोमा जलविद्युत् कम्पनीहरु देखिएका छन् । विकास बैंक समूह ४ दशमलव ६ प्रतिशतले गिरावट आएको छ ।

आज सबैभन्दा धेरै नारायणी डेभलपमेन्ट बैंकले कमाएको छ । नारायणीको सेयर मूल्य करिब १० प्रतिशतले वृद्धि भएको छ ।