काठमाडौँ । दलित भनेर कोठा नदिएको अभियोगमा पक्राउ परेकी सरस्वती प्रधान रिहा भएकी छन् । उनलाई सामान्य तारिखमा रिहा गरिएको हो ।

महानगरीय प्रहरी वृत्त सिंहदरबारबाट बुधबार उनलाई रिहा गरिएकी हुन् । जिल्ला सरकारी वकिलको कार्यालयले यो विषयमा थप प्रमाण अपुग भएको राय पेश गरेपछि उनलाई रिहा गरिएको जनाएको छ ।

रुपा सुनारले घर भाडाको विषयलाई लिएर प्रधानमाथि मुद्दा दर्ता गराएकी थिइन् । जातीय विभेदसम्बन्धि मुद्दाको विरोधमा आज जिल्ला सरकारी वकिलको कार्यलय बबरमहलमा नेवार समुदायले विरोध प्रदर्शनसमेत गरेका थिए ।