काठमाडौं । सर्वाेच्च अदालतले प्रधानमन्त्री केपी शर्मा ओलीले संसद विघटन गरेर चुनावको मिति घोषणा गरेपछि पनि मन्त्रीपरिषद् विस्तार गरेकोमा अंकुश लगाउँदै अन्तरिम आदेश जारी गरिदिएपछि अहिले सरकारमा प्रधानमन्त्री ओली सहित ५ मन्त्री मात्र सिमित छन् ।

५ जनालाई भागवन्डा लगाएर प्रधानमन्त्री ओलीले मन्त्रालय वाडफाड गरेका छन् । प्रधानमन्त्रीको सिफारिसमा राष्ट्रपतिले मन्त्रीहरुको कार्यभार तोकेकी छिन् ।

जस अनुसार प्रधानमन्त्री केपी शर्मा ओलीले रक्षा र परराष्ट्र मन्त्रालय आफूसँग राखेर बाँकी मन्त्रालय अन्य मन्त्रीलाई दिएका छन् ।

अर्थमन्त्री विष्णु पौडेललाई उद्योग, वाणिज्य तथा आपूर्ती, उर्जा, जलस्रो तथा सिँचाइ र गृह मन्त्रालयको जिम्मेवारी दिएका छन् ।

त्यसैगरी शिक्षामन्त्री कृष्णगोपाल श्रेष्ठलाई वन तथा वातावरण, युवा तथा खेलकुद, शिक्षा विज्ञान तथा प्रविधि, श्रम, रोजगार तथा सामाजिक सुरक्षा, स्वास्थ्य तथा जनसंख्या मन्त्रालयको जिम्मेवारी दिइएको छ ।

यस्तै भौतिक पूर्वाधार तथा यातायातमन्त्री वसन्त नेम्वाङलाई कृषि तथा पशुपन्छी विकास, खानेपानी, सञ्चार तथा सूचना प्रविधि र सहरी विकास मन्त्रालयको जिम्मेवारी तोकिएको छ ।

कानून, न्याय तथा संसदीय मामिलामन्त्री लिलानाथ श्रेष्ठलाई भूमि व्यवस्था सहकारी तथा गरिबी निवारण, महिला बालबालिका तथा ज्येष्ठ नागरिक, संस्कृति पर्यटन तथा नागरिक उड्ययन र संघीय मामिला तथा सामान्य प्रशासन मन्त्रालयको कार्यभार थप गरिएको छ ।

हेर्नुहोस सूचिसहित