काठमाडौं । भोकमुक्त, नाङ्गोमुक्त, भेदभावमुक्त नेपालको परिकल्पनाका साथ निषेधाज्ञामा गरीब तथा वेवारीसेहरुलाई निःशुल्क खाना खुवाउदैँ आएको सामाजिक संस्था ‘हाम्रो टिम नेपाल’को समुहलाई प्रहरीले नियन्त्रणमा लिएको छ ।

हाम्रो टिम नेपालले निःशुल्क भोजन बितरणकालागी अनामनगर स्थित खाना बनाउदै गरेको समयमा प्रहरीले हाम्रो टिम नेपालका प्रतिनिधिहरूलाइ पक्राउ गरेको हो । नगरपालीकाको नेतृत्वमा प्रहरीले सामािजक अभियान्तालाइ पक्राउ गरेको हो । निःशुल्क भोजन बितरणकालागी खाना पकाउन बनाइएको अस्थाइ टहरा समेत प्रहरीले भत्काइ दिएको छ ।

काठमाडौंं महानगरपालिकाले ‘हाम्रो टिम नेपाल’ले प्रयोग गर्दै आएको अनामनगरको सरकारी जग्गा खाली गराएको छ ।

अनामनगरको युनियन हाउससँगै रहेको सरकारी जग्गा १ वर्षदेखि जबरजस्ती भोगचलन गर्दै आएको र पटक-पटक ताकेता गर्दा पनि खाली नगरको भन्दै महानगरले जग्गा खाली गराएको हो ।

सो क्रममा महानगरले उक्त जग्गामा रहेको टहरा समेत भत्काएको छ । खाली गराउने क्रममा प्रहरीले हाम्रो टिम नेपालका अभियन्ता विमल पन्तलगायतका अभियन्ताहरुलाई नियन्त्रणमा लिएको छ । उक्त जग्गा प्रयोगका बारेमा स्थानीय र हाम्रो टिम नेपालबीच विवाद समेत भएको थियो । हाम्रो टिम नेपालले निषेधाज्ञाका समयमा विपन्न नागरिकहरूलाई खाना खुवाउने अभियान सञ्चालन गर्दै आएको थियो ।