अमेरिकी राष्ट्रपति डोनल्ड ट्रम्पले इरानलाई मङ्गलबारसम्म हर्मुज जलमार्ग पूर्ण रूपमा खोल्न चेतावनी दिँदै अन्यथा ‘नर्क देखाइदिने’ धम्की दिएपछिको परिस्थितीबारे चीनका विदेश मन्त्री वाङ यी र रुसका विदेश मन्त्री सर्गेई लाभरोभबीच फोन वार्ता भएको छ ।

जसमा उनीहरूले इरान र मध्यपूर्वको बिग्रँदो स्थिति बारे छलफल गरेको बताएका छन्। इरानलाई सेटेलाइट इमेजदेखि अन्य सैन्य विष्यमा चीन र रुसले सहयोग गर्दै आएको बताइन्छ । चीन र रुसकै आडमा इरान कडा रुपमा प्रस्तुत हुँदै आएको बताइन्छ ।

चीनका संयुक्त राष्ट्रसंघका राजदूत फु कोङका अनुसार, वाङ यीले चीन र रुस संयुक्त राष्ट्र सुरक्षा परिषद्का स्थायी सदस्य भएकाले निष्पक्षता कायम गर्नुपर्ने र अन्तर्राष्ट्रिय समुदायबाट थप समझदारी र समर्थन जुटाउन प्रयास गर्नुपर्ने बताएका छन्।
राजदूत फु कोङले थपेका छन् कि हर्मुज जलमार्गमा जहाजहरूको आवतजावतलाई सुरक्षित बनाउने मुख्य उपाय भनेकै ‘चाँडोभन्दा चाँडो युद्धविराम हुनु र लडाइँ रोकिनु’ हो।

रुसी विदेश मन्त्री लाभरोभले पनि मध्यपूर्वमा बढ्दै गएको सैन्य तनावप्रति गम्भीर चिन्ता व्यक्त गर्दै ूसैन्य कारबाहीहरू तुरुन्तै बन्द हुनुपर्नेू रुसको अडान दोहोऱ्याएका छन्। चीन र रुसको यो संयुक्त पहलले अमेरिका र इजरायलमाथि सैन्य आक्रमण रोक्न अन्तर्राष्ट्रिय दबाब बढाएको देखिन्छ।