काठमाडौं । १६ औं संस्करणको युरोकप फुटबलको क्वाटरफाइनल समीकरण पूरा भएको छ । गएराति भएको खेलमा स्विडेनलाई अतिरिक्त समयमा २-१ गोल अन्तरले पराजित गर्दै युक्रेन क्वाटरफाइनलमा पुगेसँगै राउण्ड अफ १६ औं संस्करणको युरोकप फुटबलको क्वाटरफाइनल समीकरण पूरा भएको हो ।

यस पटक साविक विजेता पोर्चुगल, उपविजेता फ्रान्स, जर्मनी, नेदरल्यान्ड जस्ता ठुला टिम राउण्ड अफ १६ बाटै बाहिरिएका छन् । भने
स्पेन, स्विट्जरल्यान्ड, डेनमार्क, इंग्ल्यान्ड, बेल्जियम, इटाली, चेक रिपब्लिक र युक्रेनले अन्तिम आठमा स्थान पक्का गरेका हुन् । अन्तिम आठको खेलहरु शुक्रबारबाट सुरु हुनेछ ।

क्वाटरफाइनलमा कहिले कुन टिम भिड्दै

शुक्रबार राति ९ : ४५ बजे – स्विट्जरल्यान्डविरुद्ध स्पेन

शुक्रबार राति १२ : ४५ बजे – बेल्जियमविरुद्ध इटाली

शनिबार राति ९: ४५ बजे -चेक रिपब्लिकविरुद्ध डेनमार्क

शनिबार राति १२: ४५ बजे -युक्रेनविरुद्ध इंग्ल्यान्ड