काठमाडौं । नेकपा एमाले नेता माधवकुमार नेपाल पक्षको स्थायी कमिटी बैठक सुरू भएको छ । बिहिबार बोलाएको एमाले केन्द्रीय कमिटी बैठकमा सहभागी हुनेरनहुने विषयमा छलफल गर्न बैठक बसेको हो ।

बुधाबार बसेको १०औं महाधिवेशन आयोजक कमिटीको बैठकले महाधिवेशन आयोजक कमिटीलाई केन्द्रिय केमिटीमा रुपान्तरण गरी बिहिबारको लागि बैठक बोलाएको छ ।तर, नेपाल पक्षले पार्टीलाई २ जेठ २०७५ को अवस्थामा बैठक बस्नु पर्ने भन्दै नेपाल पक्षमा भोलिको बैठकमा जान नहुने मत धेरैको छ ।

बुद्धनगरस्थित क्वालिटी बैंक्वेटमा नेता नेपालसहित भीम रावल, अष्टलक्ष्मी शाक्य, घनश्याम भुसाल, गोकर्ण विष्ट, योगेश भट्टराई, सुरेन्द्र पाण्डे, रघुजी पन्तलगायतका नेता सहभागी छन् । आफ्नो पक्षीय स्थायी कमिटी र केन्द्रीय सदस्यहरूसँगको छलफलपछि मात्र नेपाल पक्षले केन्द्रीय बैठकमा सहभागी हुने वा नहुने निष्कर्षमा पुगिने नेताहरूले बताएका छन् ।