काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले शेरवहादवुर देउवालाई प्रधानमन्त्री बनाउन गरेको हस्ताक्षर माधव कुमार नेपाल पक्षले दुई दिनभित्र फिर्ता नलिए पार्टी एकता नहुने बताएका छन् । पार्टीको केन्द्रिय कमिटी बैठकलाई सम्बोधन गर्दै उनले सोमवार साँझ ५ बजेसम्म हस्ताक्षर फिर्ता नभए पार्टी एकता नहुने बताए ।

उनले भने, ‘कांग्रेस सभापति देउवालाई प्रधानमन्त्री बनाउन एमालेका सांसदले हस्ताक्षर गर्ने कुरा कुनै हालतमा स्वीकार्य हुँदैन । यदि सोमवार साँझ ५ बजेसम्म हस्ताक्षर फिर्ता भएन भने पार्टी एकता हुन्न । कांग्रेसको नेतालाई प्रधानमन्त्री बनाउन एमालेका सदस्यलाई छुट छैन । यो कुरा किमार्थ स्वीकार्य छैन । त्यसो गर्नु भनेको पार्टी फुटको घोषणा हो ।’

उनले आफू एकताका लागि तयार रहेको भन्दै विपक्षीसँग गठबन्धन गर्न खोज्ने, विपक्षी नेतालाई प्रधानमन्त्री बनाउन खोज्ने र पार्टी कमजोर बनाउन खोज्ने क्रियाकलाप जारी राख्दा पार्टी एकता हुन नसकेको बताए ।