काठमाडौं । मोरङ जिल्लाको बेलबारी नगरपालिकामा काठको मुङग्रोले हानेर आफ्नै श्रीमतीको हत्या गरेको अभियोगमा एक जना पक्राउ परेका छन् ।

जिल्ला प्रहरी कार्यालय मोरङले शनिवार विहान बेलबारी नगरपालिका ७ बस्ने ५६ वर्षीय अम्बिका घिमिरेलाई आफ्नै श्रीमतीको हत्या गरेको अभियोगमा पक्राउ गरेको हो ।

जिल्ला प्रहरी कार्यालय मोरङका अनुसार आरोपी घिमिरेले मादक पदार्थ सेवन गरी घरमा आई श्रीमतीसँग सामान्य वादविवाद सुतेको मौका छोपेर श्रीमती ४८ वर्षीय सिता घिमिरेलाई काठको मुङ्ग्रोले हानेर हत्या गेरेका हुन् । निधाई रहेकी श्रीमतीको वायाँ कन्चटमा चार÷पाँच पटक मुङग्रो प्रहार गरी सिरानीले मुङ्ग्रो छोपेर उनि फरार भएका थिए ।

ईलाका प्रहरी कार्यालय बेलबारीबाट खटिएको प्रहरी टोलीले शनिवार घर देखी २ किलोमिटर दक्षिणमा रहेको खाली ग्वालीबाट पक्राउ गरिएको हो ।

पक्राउ परेका घिमिरेलाई ज्यान सम्बन्धी कसूरमा थप अनुसन्धान कार्य भई रहेको जिल्ला प्रहरी कार्यालय मोरङले जनाएको छ ।