काठमाडौं । पछिल्लो समय आएको बाढी पहिरोले देशैभर क्षति गरेको गृह मन्त्रालयले जनाएको छ । गृहमन्त्री विष्णु प्रसाद पौडेलले आइतबार राष्ट्रिय सभाको बैठकमा मनसुनजन्य विपतका कारण १५ वटा पुलको क्षति भएको जानकारी दिए ।

उनका अनुसार पुर्वका खोलाहरुमा बाढी आउँदा २ सय घर डुवानमा परेको देखिएको उनले जानकारी दिए । उनले भने,“देशभर ४३ वटा खानेपानी आयोजनमा क्षति पुगेको छ । कास्की, मनाङ र सिन्धुपाल्चोक लगायतका जिल्लाका साना ठुला गरी २५ जलविद्युत आयोजनामा आशिंक क्षति भएको छ ।”

२७८ जना सिन्धुपाल्चोक, गोर्खा,मनाङका बाढीपिडतलाई हेलिकोप्टरबाट उद्धार गरिएको उनले जानकारी दिए ।
गत वर्षको पहिरो र बाढी प्रभावित १३ जिल्लाका रहेका बस्तीको स्थान्तरण गर्न सुरु भएको उनले जानकारी दिए ।