काठमाडौं । मिति सकिएको (एक्सपायर) भएको एटीएम कार्ड प्रयोग गरेर सिद्धार्थ बैंकको एटीएमबाट रकम चोरी गर्ने २ जना पक्राउ परेका छन् ।

महानगरीय प्रहरी परिसरले मिति सकिएको (एक्सपायर) भएको एटीएम कार्ड प्रयोग गरेर ३४ लाख रुपैयाँ चोरी गरेको अभियोगमा ३० वर्षीया सावित्री तामाङ र ५७ वर्षे जगत गुरुङलाई आइतबार पक्राउ गरेको हो ।

चोरीका लागि नेपाल इलेक्ट्रोनिक पेमेन्ट सिस्टम (नेप्स)को स्वीच प्रयोग भएको महानगरीय प्रहरी परिसर काठमाडौंका प्रवक्ता रमेश बस्नेतले मेरोन्युजलाई बताए । प्रहरीको प्ररम्भिक अनुसन्धान अनुसार उनिहरुले गत असार १३ गते देखि बैंकका एटिएमबाट पैसा चोरी गर्न थालेका थिए ।

एक्सपायर भएको एटिएमको खातामा पैसा समेत नरहेको प्रवक्ता बस्नेतले जनाए । प्रहरीले उनीहरुको कालोपुलस्थित डेराबाट ३० लाख रुपैयाँभन्दा बढी बरामद गरेको छ ।

यसअघि पनि नेप्सको प्रणालीगत कमजोरीका कारण चिनियाँ ह्याकरले नेपाली बैंकबाट पैसा चोरी गरेका थिए ।