काठमाडौँ । राष्ट्रियसभा सदस्य डा. खिमलाल देवकोटाले सरकारका धेरै वेभ साइटहरुमा नेपालको पुरानो नक्सा देखिएको भन्दै सच्याउन आग्रह गरेका छन् । राष्ट्रियसभा सदस्यमा निर्वाचित भएपछि सोमबारको बैठकमा पहिलोपटक बोल्दै उनले सरकारका धेरै निकायमा पुरानो नक्सा रहेकाले सच्याउनु पर्ने बताए ।

यस्तै, डा. देवकोटाले सपथसम्बन्धी अध्यादेश ल्याउनुबाट सरकारको संविधानप्रति विश्वास नभएको स्पष्ट देखिएको बताए । अघिल्लो दिन गलत शपथ लिएकोमा भोलिपल्ट सच्याएर सपथ लिन लगाउनु पर्नेमा राष्ट्रपतिले सपथसम्बन्धी अध्यादेश जारी गर्नु संविधानविपरीत काम गरेको उनको टिप्पणी थियो ।

उनले राष्ट्रपतिको यस कदमले संविधानको संरक्षण र सम्बद्र्धन हुन नसक्ने बताएका थिए ।