काठमाडौँ । नेपाली कांग्रेसले विपी कोइराला स्वास्थ विज्ञान प्रतिष्ठान धरानमा आन्दोलित चिकित्सक, विद्यार्थी र कर्मचारीको माग सम्बोधन नभएको बताएको छ । कुलपतिसमेत रहेका प्रधानमन्त्री केपी शर्मा ओलीले उक्त विषयलाई गम्भीरतापूर्वक नभएको भन्दै चिन्ता प्रकट गरेका हुन् ।

‘प्रधानमन्त्रीको जिम्मेवारीभित्र अनेकौं विषय पर्दछन् र छन् भन्ने तथ्यमा कसैको दुर्इ मत छैन, तर त्यो भनिरहँदा प्रतिष्ठानका कुलपति हुनुको गहन दायित्व र कर्तव्य निर्वाह नगरेर मौन, निरपेक्ष या भूमिका शून्य बस्नु भनेको चरम गैर जिम्मेवारी हुनु हो,’ विज्ञप्तिमा भनिएको छ, ‘कोभिड महामारी चलिरहेको बेला स्वास्थ प्रतिष्ठानमा लामो समयसम्म आन्दोलन हुँदा नागरिकलाई गम्भीर असर पुग्दछ, यसको हेक्का कुलपतिलाई नहुनु दुःखद छ ।’

प्रतिष्ठानभित्र बेथिति र अराजकता रहेको भन्दै आन्दोलन सुरु भएको हो ।