काठमाडौँ । नेकपा एमालेमा विवाद मिलाउन गठन गरिएको कार्यदलको बैठक सुरु भएको छ । पार्टीको आन्तरिक विवाद मिलाउन केही दिनयता निरन्तर बैठक बस्दै आएको छ ।

आज शुक्रबार बिहानैदेखि दुई पक्षका कार्यदल सदस्यहरुबीच अनौपचारिक छलफल हुँदै आएको थियो ।

गत फागुन २३ यता प्रधानमन्त्रीसमेत रहेका पार्टी अध्यक्ष केपी शर्मा ओली पक्षको एकलौटी निर्णयहरू सबै खारेज हुनु पर्ने माग नेता माधव नेपाल पक्षले राख्दै आएको छ ।

आजको बैठकमा सहमति भए अध्यक्ष ओली र नेता नेपालबीच भेट वार्ता हुने र दुई नेताबाट संयुक्त वक्तव्य जारी हुन सक्ने आंकलन गरिएको छ । यसअघि दुई नेताबीच भेट वार्ता भए पनि कुनै निष्कर्ष निस्कन सकेको थिएन ।

एमालेभित्रको विवाद मिलाउन दुई पक्षबाट ५–५ जना हुने गरी १० सदस्यीय कार्यदलको गठन गरिएको थियो ।