काठमाडौँ । नेपाली कांग्रेसका नेता नागेश्वर कुश्वाहा पक्राउ परेका छन् । बलात्कार आरोपमा रौतहटका स्थानीय नेता ५० वर्षीय कुश्वाहा पक्राउ परेका हुन् ।

स्थानीय एकजना विवाहित महिलालाई बलात्कार गरेको आरोपमा कुश्वाहामाथि जबर्जस्ती करणीसम्बन्धी मुद्दा दर्ता गरेर जिल्ला अदालत गौरबाट ५ दिनको म्याद थमाई थप अनुसन्धान अघि बढाइएको इलाका प्रहरी कार्यालय गरुडाले जनाएको छ ।

३ दिनअघि उनले पीडित महिलालाई केही घरायसी प्रयोगको सामान खरिद गर्न भनी आफ्नो मोटरसाइकलमा राखेर गरुडा बजार पुर्याएका थिए ।

सोही क्रममा बजारभन्दा वरै कांसघारीमा लगेर उनले जबरजस्ती करणी गरेको महिलाले मौखिक उजुरीपछि कारबाहीका लागि इलाका प्रहरी कार्यालय गरुडा पठाएको इलाका प्रहरी कार्यालय देवाही गोनाहिका इन्स्पेक्टर राजन लम्सालले जानकारी दिए ।