काठमाडौँ । जाजरकोटमा तत्कालीन समयमा कार्यरत सचिवको मिलेमतोमा सामाजिक सुरक्षा भत्ता वितरण गर्दा सम्बन्धित व्यक्तिलाई नदिई रकम हिनामिना गर्ने पक्राउ परेका छन् ।

साविक लहँ गा.वि.स.मा तत्कालीन सचिव दोर्ण प्रसाद पौडेलले झुठा कागज बनाएर ५ लाख ९३ हजार रुपैयाँ भ्रष्टाचार गरेका थिए । यस्तै, सोही गा.वि.स.मा कार्यरत अर्का सचिव दिपक सुनारले पनि झुठा कागज तयार गरी ४ लाख ४० हजार रुपैयाँ भ्रष्टाचार गरेको खुलेको छ ।

दुवै जनालाई सोही रकम बराबर बिगो दाबी गरी कारबाही प्रक्रिया अघि बढाएको अख्तियार दुरुपयोग अनुसन्धान आयोगले जनाएको छ ।

उनीहरूले पटक पटक गरी १० लाख ३० हजार रुपैयाँ हिनामिना गरेका थिए ।