काठमाडौं । झापाको विर्तामोड नगरपालिकामा आफ्नै घरको अगाडी एक युवतीको अर्धनग्न अवस्थामा शव फेला परेको छ ।

बिर्तामोड नगरपालिका–५ स्थित पूर्व–पश्चिम राजमार्गको सुगम पेट्रोल पम्मदेखि उत्तर तर्फको गल्लीनजिकै बस्दै आएको घरकै आँगनमा २५ वर्षीया सिर्जना बस्नेत अर्धनग्न अवस्थामा मृत फेला परेकी हुन् ।

बिर्तामोडस्थित सृजनशील सहकारी संस्थामा कलेक्टरको काम गर्दै आएकी बस्नेत दाजुभाउजुको साथमा बस्दै आएकी थिईन् ।

जिल्ला प्रहरी कार्यालय झापाका प्रमुख प्रहरी उपरिक्षक (एसपी) सानुराम भट्टराईका अनुसार उनको घरको आगनमा अर्धनग्न अवस्थामा मृत भेटिएको हो । अहिले नै सिर्जनाको हत्या/आत्महत्या केही भन्न नसकिने उनले बताए ।

घटनास्थल नियन्त्रणमा लिएर घटनाको विषयमा थप अनुसन्धान भइरहेको छ । घटनास्थलमा तालिम प्राप्त कुकुर ल्याएर परिचालन गर्ने एसपी भट्टराईले मेरोन्युजलाई बताए ।