काठमाडौं । सर्वोच्च अदालतले एमाले वरिष्ठ नेता माधव कुमार नेपाल पक्षका २३ सांसदलाई कारबाही गर्न नमिल्ने फैसला गरेको छ । कांग्रेस सभापति शेरबहादुर देउवालाई प्रधानमन्त्री बनाउन समर्थन गरेका उनीहरुलाई कारबाही गर्न नमिल्ने फैसला सुनाएको हो ।

सर्वोच्च अदालतले संविधानको धारा ७६ को उपधारा ५ बमोजिम समर्थन गरेकाले कारबाही गर्न नमिल्ने फैसला सुनाएको हो । अदालतको फैसलासँगै देउवालाई समर्थन गर्ने माधव नेपाल पक्षधर एमालेका २३ सांसदहरूलाई कारवाही गर्न नमिल्ने भएको हो ।