काठमाडौँ । नेपाली कांग्रेसका प्रवक्ता विश्वप्रकाश शर्माले राष्ट्रपति र प्रधानमन्त्रीको आवेगपूर्ण कदम सच्चिएको बताएका छन् । सर्वोच्च अदालतमा दायर भएको प्रतिनिधिसभा विघटनविरुद्धको रिटमा फैसला गर्दै पुनःस्थापन गर्न आदेश दिएपछि उनले यस्तो प्रतिक्रिया दिएका हुन् ।

उनले लिक बाहिर धकेलिएको संविधानलाई ट्र्याकमा फर्काउने सर्वोच्च कदम सही भएको बताएका छन् ।

‘राष्ट्रपति र प्रधानमन्त्रीको आवेगपूर्ण कदम सच्याउँदै सम्मानित संवैधानिक इजलासको विवेकपुर्ण फैसला ! लिक बाहिर धकेलिएको संविधानलाई ट्र्याकमा फर्काउने कदम,’ प्रवक्ता शर्माले भने ।

‘केवल सरकार निर्माण होइन, इतिहास निर्माणको अवसरका रूपमा यसलाई उपयोग गर्नु पर्ने दायित्व कांग्रेसको काँधमा छ,’ उनले थपे ।